١٥٠ يوم قضيتها في صناعة المحتوى لحسابي
– بدون خلفية مسبقة
– بدون كورسات
– بدون مساعدة من قوقل
كيف تصنع محتوى رائع لحسابك وتسوّق بالمحتوى؟ 🤩 تكنيكات سريعة تفيدك 👇🏻💜 #ثريد
في البداية بنبهك على شيء مهم جدا 🔴 ترى ما تحتاج قوقل أبدًا في كتابة محتواك!
والآن تعال أقولك ٥ أمور مهمة قبل البدء بالكتابة 🤩🙏🏻
١- حدد مجال كتابتك (وغالبا حيكون تخصصك أو مهارتك)
٢- حدد الأسلوب أو الانطباع اللي حيظهره أسلوبك
٣- حدد الطريقة اللي راح تنقل فيها المحتوى (مقالات/بوستات/تغريدات/ثريدات..الخ)
٤- حدد العدد بشكل يومي أو أسبوعي (مثلا ٣ ثريدات أسبوعيا/ تغريدتين يوميا..الخ)
٥- ابدأ الكتابة!
طيب في آخر خطوة “الكتابة”، ولما تجي بتكتب؟ لابد تكتب كلام أصيل، نابع منك، مو نسخ ولصق، وعشان تكتب محتوى أصيل اتبع هذي الـ ٥ خطوات:
– في الأوقات العادية؛ اقرأ في مجالك وتثقّف كثير
– تابع حسابات ناجحة من نفس مجالك وتفاعل معهم
– أثناء كتابة المحتوى لا تفتح جوال ولا كتاب ولا قوقل أبدًا، المحتوى كله يجي منك
– لا تعتمد التغريدة من أول مرة، عيد الصياغة مرة ومرتين
– أسلوبك هو الملك، هو التميّز كله، كون عفوي وبسيط في أسلوبك
وختامًا خليني أقول لك ٥ أشياء احذر تقع فيها:
– لا تقلد أسلوب أحد
– لا تاخذ موضوع كما هو من أي مكان
– لا تبحث عن محتوى عشان تنزله
– لا تستنى أحد يطلب منك عشان تكتب
– لا تطلب دعم محتواك من أحد
في محتوى حسابك، انت الملك!
وتجاربك هي السر، وأسلوبك هو السّحر 🌟
كل الأشخاص اللي نجحو في كتابة محتواهم نجحو أولًا بإنهم يكونو على عفويتهم، وشخصيتهم 🤩💜
موفّق يا صديقي في رحلتك الممتعة 🕊🌧
